Athugasemdir við: „Nú hefst nýtt ár; Sea bream (kólguflekkur) með hollandaise sósu, grænbaunamauki, hvítvínssteiktu fennel og auðvitað hvítvínsglasi“

Höfundur: Hallfríður Ingimundardóttir

Hallfríður Ingimundardóttir — Thu, 14 Jan 2010 15:18:14 +0000

Sæll Ragnar.
Mig langaði aðeins að óska þér og þínum gleðilegs árs og þakka þér fyrir skemmtilegar stundir liðins árs við að lesa hugleiðingar ástríðukokksins í Lundi. Ég fékk „lánaða“ eina góða uppskrift hjá þér, þakka hana hér með, og á eftir að leita til þín aftur…

Kveðjur frá Kristianstad – eða Stjánastöðum – á Skáni (Norður-Skáni)

Höfundur: ragnarfreyr

ragnarfreyr — Sat, 09 Jan 2010 18:30:03 +0000

Sæll Gylfi
Fann þetta á netinu. Dr. Gunnar Jónsson fiskifræðingur hjá Hafrannsóknarstofnun mun hafa tekið saman þessa orðbók á þessari slóð.

Þýðing á seabass fann ég á heimasíðu sjómanna –
Google virðist hreinlega hafa svarið á öllu!
mbk, Ragnar

Höfundur: ragnarfreyr

ragnarfreyr — Sat, 09 Jan 2010 18:23:55 +0000

Sæl Áslaug
Þakka ábendinguna. Það vill nú til að ég hef hitt þetta góða fólk og verslað lambakjöt af honum. Kíki aftur á síðuna til að skoða þetta með fiskinn!

Höfundur: Áslaug Pétursdóttir

Áslaug Pétursdóttir — Sat, 09 Jan 2010 18:02:44 +0000

Sæll

Hef fylgst með blogginu hjá þér um tíma. Langaði til að benda þér á aðila sem selur íslenskan fisk í Svíþjóð. Hann heitir Tryggvi Óttarsson og er með heimasíðu sem er grimsis.is. Hann hefur líka verið að selja lambakjöt.

kv
Áslaug

Höfundur: ragnarfreyr

ragnarfreyr — Thu, 07 Jan 2010 18:09:04 +0000

Sæl verðið.
Þakka athugasemdirnar.
Ég er búinn að elda hangikjötið. Þegar það kom inn var það snæviþakt þunnu lagi af svepp. Slíkt ku vera eðlilegt en mér hryllti aðeins við því. Gerði því eins og Helga Sig ráðleggur – og skrúbbaði það vel og rækilega undir köldu vatni. Lyktin var afar góð af lærinu.
Suðum það daginn áður. Sauð það ívið of lengi.
Smakkaðist ágætlega – heldur mikið reykbragð af því. Snædís var afar hrifinn af lærinu – mun meira en ég. Ég borðaði aðeins af því, gestir voru ekki á einu máli um þetta.
Geri þetta aftur á næsta ári. Þá með ekta nítrítsalti – ekkert saltpétur neitt.
Sjáum hvað setur þá.

Höfundur: Ragnhildur

Ragnhildur — Thu, 07 Jan 2010 17:23:07 +0000

Gleðilegt ár og þakka þér fyrir skemmilegt og fræðandi blogg. Ég bíð, eins og Guðjón fyrir ofan, spennt eftir hangikjötsbloggi

Höfundur: Guðjón

Guðjón — Wed, 06 Jan 2010 20:21:04 +0000

Gleðilegt nýtt ár og takk fyrir þetta blogg, hef fylgst með þér frá því þú byrjaðir, prófað nokkrar uppskriftir og aldrei orðið fyrir vonbrigðum. En hvernig fór með hangikjötið hjá þér ? Ertu búinn að elda það ?

Höfundur: Gylfi Freyr

Gylfi Freyr — Wed, 06 Jan 2010 18:54:47 +0000

Sæll Ragnar,

Sea Bream er talsvert notaður hérna á Írlandi og hef ég nokkrum sinnum notað hann með góðum árangri. Mig langaði að vita hvar þú fékkst íslenska nafnið á hann, er alltaf í tómu basli með að finna þýðingu á ensku heitunum.

Takk fyrir besta matarblogg fyrr eða síðar.